"Cəmi 2:1 hesabı ilə qalib gəldiyimizə inanmaq çətindi" - Kross
"Real"ın yarımmüdafiəçisi Toni Kroos Çempionlar Liqasının qrup mərhələsinin 3-cü turu çərçivəsində evdə Donetsk "Şaxtyor"una 2:1 hesabı ilə qalib gəldikləri oyunu şərh edib.
"Football-plus.az" "AS"a istinadən xəbər verir ki, o, daha böyük hesablı qələbəyə layiq olduqlarını deyib: “Elə günlər olur ki, top içəri girmək istəmir. 7:1 və ya daha böyük hesabla qalib gələ bilərdik. Yenə də yekunda üç xal qazandıq və bu, layiqli qələbə idi. İlk hissəni yaxşı keçirdik və pressinqlər etdik.
"Şaxtyor"un qolundan sonra Ançelotti əsəbiləşdi. Dedi ki, əvvəlki kimi oynamağa davam etməliyik, çünki hesab 2:1 və fərq cəmi bir qoldu... Cəmi 2:1 hesabı ilə qalib gəldiyimizə inanmaq çətindi. Amma belə günlər olur. Şübhəsiz ki, növbəti matçlarda top tora dəyəcək. Məqsədimiz qrupdan mümkün qədər tez çıxmaqdı".
Digər xəbərlər
