Luçano Spalletti cümə günü qeyri-adi hərəkəti ilə diqqəti cəlb edib.

“Napoli”nin baş məşqçisi A seriyasının 8-ci turunun “Torino” ilə oyunundan əvvəlki mətbuat konfransına iki qızıl güllə gəlib.

O, 22 yaşlı Məhsa Əmini adlı gənc xanımın İranın əxlaq polisi, 20 yaşlı Hədis Nəcəfinin isə təhlükəsizlik qüvvələri tərəfindən öldürülməsinə biganə qalmayıb. 63 yaşlı mütəxəssis mətbuat konfransının əvvəlində gülləri masanın üstünə qoyub. Jurnalistlərə “bu güllər İranda öldürülən Məhsa Əmini və Hədis Nəcəfi üçündü” deyən Spalletti zalda alqışlara səbəbkar olub.