"Olimpiakos" "Qarabağ"la oyun öncəsi daha bir hücumçusunu itirib.

"Football-plus.az" xəbər verir ki, bu dəfə Yussef El-Arabinin Ağdam klubu ilə Avropa Liqasının qrup mərhələsinin ilk oyununu buraxacağı müəyyənləşib. Yunanıstan mətbuatının yazdığına görə, Mərakeş millisinin 35 yaşlı hücumşusu dünən "Atromitos"a qarşı keçirilən superliqanın 6-cl turunun oyununun (2:0) 46-cı dəqiqəsində məcburi əvəzlənməli olub. Təcrübəli futbolçunun durumuna bu gün tibbi müayinədən sonra aydınlıq gələcək. Lakin onun "Qarabağ"la oktyabrın 6-da keçiriləcək oyunu buraxacağı bildirilir.

El-Arabi bu mövsüm "Olimpiakos"la bütün turnirlərdə 13 oyun keçirib, 3 qol vurub və 1 qolun ötürməsini edib.

Komandanım baş məşqçisi Miçel dünənki oyundan sonra keçirilən mətbuat konfrasında bildirib ki, El-Arabi fasilə zamanı ondan əvəzlənməsini xahiş edib: "Onun problemləri vardı və matçı davam etdirə bilmirdi".

Bu, "Olimpiakos"un ikinci hücumçu itkisi deməkdir. Bundan öncə Xvan Iy Co Koreya millisinin düşərgəsində zədə alıb. Onun "Qarabağ"la bu həftə Yunanıstanda keçiriləcək görüşdə iştirakı sual altındadır. Yunanıstan mətbuatı bildirir ki, Co oyuna qədər hazır olmasa, onu Ağdam klubu ilə matçda Mavritaniya millisinin hücumçusu Abubakar Kamara əvəzləyəcək.

"Atromitos"la görüşdə "Olimpiakos"un hər iki qolunu vuran komandanın yeni hücumçusu Sedrik Bakambuya gəlincə, Konqo əsiklli fransalı forvard Avropa Liqasının sifariş ərizəsində yer almır.