"Fikrim birmənalıdı, De Byazi yola salınmalıdı. Dünya futbolundan bixəbər, müasir futbol elementlərini tətbiq edə bilməyən birinin ölkənin əsas komandasına rəhbərlik etməsinin anlamı nədi? Motivasiyası olmayan komandaları məğlub etmək baş məşqçi bacarığı, faydalı iş əmsalı demək deyil. O cür komandaları baş məşqçisiz də məğlub etmək olar. Onun yalnız məşqçilik yox, insani keyfiyyətləri də aşağıdı. De Byazi dəfələrlə yalan danışıb, riyakar adamdı. Böyük-böyük vədlər verib, sonra dediklərini danır. Hətta həsas məqamlarda da riyakarlıq edir. Yeni gələndə demişdi ki, Azərbaycan himni xoşuma gəlir, onun sözlərini əzbərləyib ifa edəcəm. Amma nə sözləri öyrəndi, nə də himnimizi ifa etdi. Bu yaxınlarda Qara Qarayev gözəl vurğuladı: "dünənə kimi özünü alban hesab edirdi, indi durub bizdən daha üstün azərbaycanlı olmaq istəyir". Onunla müqavilə müddətinin uzadılmasında bir məntiq, anlam görmürəm. Getməlidi!"