MBA klublarından “Boston” baş məşqçisi İme Udokanı biriliyə işdən uzaqlaşdırıb.

Football-plus.az klubun mətbuat xidmətinə istinadən xəbər verir ki, onun səlahiyyətlərini köməkçisi Co Mazzulla yerinə yetirəcək. Klubun bəyanatında o da qeyd olunur ki, 45 yaşlı mütəxəssisin gələcəyi ilə bağlı qərar bir müddət sonra veriləcək.

Bir neçə gün əvvəl Udokanın “Boston”da çalışan xanımlardan biri ilə sevgi romanı haqda xəbərlər yayılmışdı. Bu isə korporativ etikanın pozulmasıdı. Çünki baş məşqçi klub ierarxiyasında ən yüksək vəzifələrdən birini tutursa, xanım formal cəhətdən onun tabeliyindəki şəxs sayılır.

Xatırladaq ki, Udoka “Seltiks”in “sükanı arxasına” ötən mövsümlərarası dövrdə keçmişdi. O, ilk mövsümündə Şərq konfrasında 2-ci yeri tutmuş və komandanı MBA finalına çıxarmışdı.