Federer şərhçi olacaq
İsveçrəli tennisçi Rocer Federer karyerasını bitirməklə bağlı qərarını bir daha izah edib: “Son üç il asan keçmədi. Ötən il “Uimbldon”da oynamaqla “nazik buz qatı üzərində gəzdiyimi” bilirdim. Dönməyə cəhd etdim, ancaq bacarıqlarımın bir həddi var. Və düzünə qalsa, dönə biləcəyimə inamı itirdim. Çox tez anladım ki, bu artıq sondu. Onda komandamızda belə bir sual yarandı: necə və nə vaxt elan etməli? Getmək artıq qaçılmaz idi”.
Federer həmçinin karyerasını bitirəndən sonrakı dövr üçün planlarını da açıqlayıb:
“Bunu deyəcəyimi heç vaxt düşünməmişdim. Ancaq altı ay əvvəl qəfil düşündüm ki, nə vaxtsa tennis oyunlarını şərh edəcəm. Hərçənd həmişə deyirdim ki, heç vaxt buna getmərəm”.
Həmkarlarımız Federerden ən yaxşı oyununu və ən acı məğlubiyyətini xatırlamağı da xahiş edib:
“2004-cü ildə keçirilən “US Open”in final görüşü mənim üçün xüsusidi. Onda Lleyton Hüittə 6:0, 7:6, 6:0 hesabıyla qalib gəldim. Həmin gün ideal oynadım. Dünyanın zirvəsindəydim. Reytinqdə 1 nömrə idim və bunu sübut etməliydim, özü də çox hörmət etdiyim rəqiblə oyunda. Ən acı məğlubiyyət? “Umbldon”un 2008-dəki finalı (onda Federer Nadala 4:6, 4:6, 7:6 (7:5), 7:6 (10:8), 7:9 hesabıyla uduzmuşdu – red.). Nadalla oyun çox prinsipial idi. Onda vəziyyət Rafaelin xeyrinə dəyişdi. Qəlbim parçalandı”.
Xatırladaq ki, “Böyük dəbilqə” turnirlərinin 20 qat qalibi olan 41 yaşlı Federer sentyabrın 15-də bu ayın sonunda Londonda keçiriləcək Leyver kubokunun ardından karyerasını bitirəcəyini elan edib.
Digər xəbərlər
