Sabah hər şey bəlli olacaq – Ya Tsaxadadze, ya da...
Aleksey Baqa ilə vidalaşan “Sumqayıt”ın baş məşqçi axtarışında olduğundan xəbəriniz var.
Onu da xəbər vermişik ki, boş qalan posta 3 namizəd var ki, onlardan biri yerli, ikisi əcnəbidi. Rəhbərlik Samir Abasov, Kaxaber Tsaxadadze və Yuri Maksimovla əlaqə saxlayıb. Dünən report.az saytına açıqlama verən Maksimov menecerlərin “Sumqayıt”la bağlı onunla danışdığını etiraf edib. Onu da əlavə edib ki, o “kimyaçılar”dan ilyarımlıq müqavilə istəyib.
Məsələ ilə bağlı “gənclik şəhəri”nin təmsilçisinin idman direktoru Faiq Hacı-Məhərrəmovla əlaqə saxladıq. Faiq bəy “Football-plus.az” saytına açıqlamasında bunları söylədi:
“yeni baş məşqçi axtarışındayıq. Namizədlər arasında həm yerli, həm də əcnəbi mütəxəssislər var. Yuri Maksimov da maraqlandığımız məşqçilərdən biridi. Bundan artıq məlumat verə bilməyəcəm”.
İdman direktoru əlavə məlumat vermək istəməsə də, bizə çatan bilgiyə görə, maksimovun namzidəliyi o qədər də ciddi deyil. “Kimyaçılar”ın rəhbərliyi əsas Samir Abasovu “sükan arxasında” görmək istəyir. Onunla razılıq əldə olunmasa, daha dəqiq desək, Abasov şərtləri qəbul etməsə, böyük ehtimalla, “Sumqayıt”ı Tsxadadze çalışdıracaq. Gürcü məşqçi ilə demək olar bütün məsələlərdə razılıq əldə olunub. Sabah günün birinci yarısına kimi yeni məşqçinin kimliyi bəlli olacaq.
RƏŞAD
Digər xəbərlər
