Ötən mövsüm premyer-liqanı 4-cü bitirib, Konfrans Liqasının təsnifat mərhələsində mübarizə aparan “Qəbələ” cari “futbol ili”ndə də iddialıdı.

“Qırmızı-qaralar” 7 turdan sonra 12 xalla 4-cü pillədə yer alıb. Elmar Baxşıyevin komandasından yeni xəbər var. Bölgə təmsilçisini qış fasiləsində bir futbolçu tərk edə bilər. Söhbət müdafiəçi Ruan Renatodan gedir. 28 yaşlı braziliyalı ilə Polşa “Lex”i yaxından maraqlanır. Poznan klubunun skautları onun çıxışını izləyir. Futbolçu qış fasiləsinə kimi “Lex”in məşqçiləri tərəfindən bəyənilsə, “Qəbələ”yə rəsmi müraciət olunacaq. Qeyd edək ki, Renatonun 2023-cü ilin yayına kimi müqaviləsi var. 28 yaşlı müdafiəçi “Qəbələ”də 40 oyunda 2 qol vurub, 1 məhsuldar ötürmə edib.

İLKİN SULTANLI