Bu mövsüm Konfrans Liqasında çıxış edəcək “Qəbələ” hazırlığa start verib.

“Football-plus.az” saytının məlumatına görə, bu haqda klubun rəsmi saytı xəbər yayıb. “Qırmızı-qaralar” dünən mövsümlərarası fasilədəki istirahəti başa vuraraq bir araya gəlib.

Ötən gün komandanın ilk məşqi olub. Baş məşqçi Elmar Baxşıyevin rəhbərliyi altında keçən hazırlıq prosesi fiziki təmrinlərlə başlayıb. Futbolçular məşqi toplu və topsuz çalışmalarla davam etdirib.

Qeyd edək ki, "Qəbələ" Konfrans Liqasının 2-ci təsnifat mərhələsində Macarıstan "Fehervar"ı ilə üz-üzə gələcək. Bölgə təmsilçisi rəqibi ilə iyulun 21-də səfərdə, iyulun 28-də “Qəbələ”də qarşılaşacaq.