Fransa yığmasının sabiq üzvü və kapitanı Patris Evra son müsahibəsində maraqlı etirafı ilə diqqət çəkib.

O bildirib ki, yenidən seçim imkanı olsaydı Fransa üçün yox, doğulduğu ölkə olan Seneqal üçün oynamağa üstünlük verərdi. 2019-da karyerasını bitirən 41 yaşlı Evra ''Monako'', ''Mançester Yunayted'', ''Yuventus'', ''Marsel'' kimi klublarda forma geyib. Fransa yığmasında isə 2004-16-cı illərdə 81 oyunda çıxış edib. Evranı dinləyək: ''Geri dönüb yenidən seçim etmək imkanım olsaydı, Fransanın əvəzinə Seneqalı seçərdim.

Bu seçimi vaxtında etmədiyimə görə çox peşmanam. Bu peşmanlığı dəfələrlə yaşadım. Məsələn, yığmanın heyətində yaxşı oynayarkən hamı məni fransız kimi qəbul edirdi, amma bir balaca pis oynayan kimi əslən Seneqaldan olmağım dərhal xatırladılırdı''.