“Oyundan əvvəl də açıqlamamda demişdim ki, çətin olacaq, rəqib ciddidi. Amma bizim də avrokubok təcrübəmiz var. Gözlənildiyi kimi, qarşılaşma gərgin keçdi. Əvvəl də dediyim kimi, heç də rəqibin qarşısında əzilmədik, yüzfaizlik qol imkanları yaxaladıq. Sadəcə, gənclərin ilk təcrübəsi olduğu üçün həyəcan həmin epizodları dəyərləndirməyə mane oldu. Bir az da şansa bağlayıram bunu. Bizim imkanlarımız rəqib qol vurmadan öncə yaranmışdı. Birini dəyərləndirə bilsəydik, bəlkə də oyun fərqli alınardı. Buraxdığımız qollardan biri penaltidən, ikisi isə sırf fərdi səhvlərdən oldu. Komandamız oyunu əks-hücumda keçirdi. Zaman-zaman səhvlər oldu, lakin ümumilikdə öhdəsindən gəldilər. Sona qədər mübarizə apardıq. Hətta son dəqiqələrdə bir real fürsət də yaxaladıq. Çox əzilmədik, ona görə canım rahatdı ki, ölkəmizi Avropada layiqincə təmsil etdik. Evdəki oyun üçün də “ağ bayraq qaldırmamışıq”. Düşünürəm ki, erkən qol vura bilsək, oyunu öz xeyirimizə dəyişə bilərik. Rəqibdən ciddi fərqimiz yox idi. Bu gün (dünən) vətənə çatmışıq. Ölkə çempionatında oyunumuz var. Ondan sonra isə “Hayduk”la görüşü təhlil edib, hazırlaşacağıq. Onu da qeyd edim ki, ilk oyunda əsas futbolçularımızdan Xəyalı itirdik. Diz nahiyəsindən zədələndi. Bu da oyunumuza təsir etdi. Onun cavab matçında oynayıb-oynamayacağını hələ dəqiq bilmirik”.