“Qarabağ” transfer çalışmalarını davam etdirir.

“Football-plus.az" xəbər verir ki, Ağdam təmsilçisinin daha bir cəhdi boşa çıxıb. “Köhlən atlar” “Midyullann”ın hücumçusu Junior Brumado ilə yaxından maraqlanıb. Lakin braziliyalı forvardın zədələnməsi Ağdam təmsilçisinin planlarının üstündən xətt çəkib. Hücumçunun məşq zamanı əzələsində yaşanan problem keçidinin baş tutmamasına səbəb olub.

Qeyd edək ki, Brumado “Baiya”, “Silkeborq” kimi klublarda çıxış edib. Karyerası ərzində meydana çıxdığı 126 rəsmi görüşdə 21 qol vurub, 6 məhsuldar ötürmə edib.

İLKİN SULTANLI