"Səbail" Azərbaycan Premyer Liqasının 4-cü turunun oyununda doğma meydanda "Kəpəz"i 4:1 hesabı ilə məğlub edib.

"Football-plus.az" xəbər verir ki, matçdan sonra keçirilən mətbuat konfransında Bakı klubunun baş məşqçisi Mahmud Qurbanov jurnalistlərin suallarını cavablandırıb:

- Rauf Əliyev üstünüzə hücum edirdi. Nə baş vermişdi?

- Əslində Raufu başa düşmək olar. Komandası uduzur, qırmızı vərəqə alıb, o, hələ bilmir iş nə yerdədi. İkincisi də yayda burda qalmağı çox istəyirdi. Mən qərar verdim ki, qalmasın. Çox güman ki, ona görə incik düşüb. Artıq-əskik danışmaq istəyirdi. Eybi yox.

- Polis naryadı çağırıldı...

- Yox heç nə olmadı. Sadəcə anlaşılmazlıq oldu. Polisin niyə naryad çağırdığını bilmirəm. Dava olmadı.

- Emil Balayevin oynamağının səbəbi nə idi?

- Emilin "Qarabağ"la oyundan sonra kiçik zədəsi var idi. Fikirləşirdik ki, tez keçər. Növbəti oyunlarda onu meydana buraxdıq. Bu gün qərara aldıq ki, zədənin tez keçməsi üçün ehtiyatda qalsın.

- İlk qələbənizi sizin üçün doğma olan "Kəpəz" üzərində qazandınız. Bu haqda nə deyə bilərsiniz?

- Bilmirəm bu nə ilə əlaqədardı. Əlbəttə ki, "Kəpəz" mənə doğma kamandadı. Amma bu futboldu. Futbolçulara da deyirəm ki, dost-tanış, qardaş, qarşı-qarşıya gələndə yaddan çıxmalıdı. Təəssüf ki, bu gün "Kəpəz"lə oynayırdıq və belə oldu. Bütün futbolçularıma təşəkkür edirəm.