''Trabzonspor''dan ayrıldıqdan sonra uzun müddətdi axtarışda olan Entoni Nvakaemenin nəhayət, yeni klubunun adına aydınlıq gəldi.

Football-plus.az xəbər verir ki, illik 3 milyon avro maaş tələb edən 33 yaşlı vinger nə ''Hall Siti'' ilə anlaşa bilmişdi, nə də ''Qalatasaray''la. Ona bu pulu yalnız ərəblər verməyə razı idi ki, futbolçu da sonda məhz Səudiyyə Ərəbistanına yollandı. Nvakaeme Səudiyyə Ərəbistanı kubokunun son qalibi ''Əl-Feyha'' ilə ikiillik müqavilə imzalayıb.

Xatırladaq ki, 2018-də ''Trabzonspor''a gələn Nvakaeme öz oyunu ilə fanatların sevimlisinə çevrilmişdi. 4 mövsüm ərzində 145 rəsmi oyunda 47 qol, 40 məhsuldar ötürmə ilə yadda qalan və 3 titul qazanan nigeriyalı hətta Trabzonda heykəl də qoyulub.