''Trabzonspor''da ''sabun operası''na çevrilən Entoni Nvakaemenin məsələsi sonda ayrılıqla bitdi!

Tərəflər mövsümboyu yeni müqavilə ilə bağlı dəfələrlə danışıq aparsa da, anlaşmaq mümkün olmadı. Ötən mövsümdəki tarixi çempionluğa 13 qol, 10 məhsuldar ötürmə ilə töhfə verən 33 yaşlı futbolçu ayrılıqla bağlı paylaşımında bunları yazıb:

Türkiyə mətbuatının yazdığına görə, nigeriyalı vinger rəhbərlikdən 3 illik müqavilə, 1,5 milyon avro imza parası və illik 3 milyon avro tələb edirdi. ''Trabzonspor'' isə Nvakaemeyə klubdakı maksimum maaş limiti olan 1,5 milyon avro və 500 min avro imza parası təklif edirdi. 4 il öncə Beer-Şeva ''Hapoel''indən transfer olunan futbolçu fanatların sevimlisi sayılırdı. Ona hətta Trabzonda heykəl də qoyulub. Nvakaeme 4 illik Trabzon karyerasını 145 oyun, 47 qol, 45 məhsuldar ötürmə göstəriciləri ilə və biri çempionluq olmaqla 3 titulla başa vurdu.

Yeri gəlmişkən, ''Trabzonspor'' 3 yeni futbolçu transfer edib. Son çempion ''Kasımpaşa''dan Ərən Elmalı ilə Doğucan Haspolatlını, eləcə də son 5 mövsümü ''Udineze''də keçirən və azad agent statusunda olan Danimarka yığmasının üzvü Yens Strüger-Larseni heyətinə qatıb. Kluba ümumilikdə 4,8 milyon avroya başa gələn ilk 2 futbolçunun hər biri ilə beşillik müqavilə imzalanıb. Ərən mövsümə 7 milyon 350 min lirə, Doğucan 6 milyon 421 min lirə qazanacaq. Üçillik müqaviləyə imza atan Larsen isə ilə 1,2 milyon avro maaş və 153 min avro imza parası qazanacaq.

Transferdən söz düşmüşkən ''Beşiktaş''ın Romeyn Saissin keçidini də rəsmən açıqladığını bildirək. ''Vulverhempton''la müqavilə müddəti bitən 32 yaşlı mərakeşli müdafiəçi ilə ''2+1'' illik müqavilə imzalanıb. İllik məvacibi 1,8 milyon avroya bərabər olacaq Saiss eyni zamanda meydana çıxdığı hər oyuna görə 12500 avro bonus qazanacaq.