“Oğlum çox əziyyət çəkib, ayağının altını qazanlar olub” - “Şamaxı”lı futbolçunun atası
Premyer-liqanın 3-cü turunun"Şamaxı"nın "Səbail"ə qarşı ev oyununu meydan sahiblərinin start heyətində yer alan Fuad Bayramovun atası Etibar Bayramov da tribunadan izləyirdi.
"Football-plus.az" xəbər verir ki, valideyn hətta plakat qaldıraraq oğlunu qol vurmağa səsləyirdi. Etibar bəy məsələ ilə bağlı bunları söylədi:"40 ildi futbol azarkeşiyəm. Sovet dövründən "Neftçi" fanatıyam. Futbolla nəfəs alıram. "Futbol+" işıq üzü görəndən abunəçisiyəm. İndiyə kimi qəzetin bütün saylarını saxlamışam. Plakat qaldırmağıma gəlincə, hələ 1-ci turda evdə "Neftçi"ni qəbul edəndə plakatla gəlmişdim. Sadəcə, Fuad ehtiyatda qaldığı üçün çox nümayiş etdirmirdim. "Qəbələ" ilə səfər matçına da plakatla getmişdim. Amma gözə dəymədik. Oğlum çox əziyyət çəkib, həmişə ona mane olanlar, ayağının altını qazanlar olub. Onun yanında olub dəstəyimi əsirgəməmişəm. "Şamaxı" Fuadın 8-ci klubudu. Harda çıxış etməyindən asılı olmayaraq, dəstək olmuşam. Təkcə valideyn kimi yox, həm də azarkeş kimi övladıma dəstək verməliyəm. Ona görə də "Şamaxı" - "Səbail" matçında "Şamaxılı Fuada "Şamaxı" klubunda uğurlar" yazılan plakatı qaldırdım. Növbəti matçlarda da oğluma dəstək olacam".
ABDULLA İSMAYILOĞLU
Digər xəbərlər
