"Hər iki oyunda yaxşı oynadıq. İkinci matçda 120 dəqiqə mübarizə apardıq. Çox yorucu, eyni zamanda zövq aldığımız görüş oldu. Qol və ya qollar vura bilərdik. Ötən mövsüm məğlubiyyətimizin səbəbi təcrübəsizlik idi. Bu dəfə isə şanssızlığın qurbanı olduq. Çünki hər iki matçda "Rapid"dən daha yaxşı oynadıq. Ölkə çempionatın səviyyəsi klubların avrokuboklardakı çıxışlarına təsir edir. Bunu Türkiyədə də görmək olar. "Başakşehir"də məndən burada nə etdiyimi soruşurdular. Deyirdim ki, Azərbaycan çempionatı inkişafdadı. "Neftçi" Türkiyə klublarından geri qalmır. Superliqada ilk "5-lik" uğrunda oynaya bilər. Çox yaxşı komandamız, baş məşqçimiz var. İnanıram ki, "Neftçi" və Azərbaycan futbolu çox yaxşı yerlərdə olacaq".

"O, Azərbaycan üçün böyük məşqçidi. Səhv etdiyini düşünmürəm. Sadəcə, oyunun gedişatı deyilən bir şey var. Düşünürsən ki, bu vəziyyətdə belə edəcəksən. Amma həmin vaxt bunu edə bilmirsən. Fikrimcə, bu, baş məşqçidən yox, futbolçudan qaynaqlanan problemdi".