Çexiyada "Viktoriya" (Plzen) və "Qarabağ" arasında keçiriləcək Çempionlar Liqasının pley-off mərhələsinin cavab oyununda anşlaq olacaq.

Football-plus.az xəbər verir ki, görüş üçün satışa çıxarılmış əlavə biletlərin hamısı 1 saat ərzində tükənib.

Beləliklə, oyun zamanı 11 700 tamaşaçı tutumuna malik olan Plzen Şəhər Stadionunda ("Dusan Arena") boş yer olmaması gözlənilir.

Qeyd edək ki, ən ucuz biletin qiyməti 420 (təxminən 30 manat), ən bahalı biletlər isə 890 Çexiya kronudu (təxminən 62 manat).