"Sumqayıt" heyətini yeni futbolçu ilə gücləndirib.

Football-plus.az xəbər verir ki, "Çukariçki"nin hücumçusu Almir Aqanspahiç icarə əsasında Azərbaycanda çıxış edəcək. Bunu Serbiya klubunun rəsmi saytı açıqlayıb. Onunla bir illik icarə müqaviləsi imzalanacaq. Lakin belqradlılar qış transfer pəncərəsində onu qaytarmaq hüququna sahib olacaq.

Futbolçu ötən mövsümün ikinci yarısında “Novi Pazar”dan “Çukariçki”yə gəlib. O, bu müddətdə 14 oyun keçirib. Sarayevoda doğulan Almir “Olimpik”, “Sarayevo”, “Osijek”, “Raufoş”, “Mladost” klublarında da çıxış edib.