"Football-plus.az" xəbər verir ki, iki brend arasındakı əməkdaşlıq yüksək performans və davamlı yenilik kimi ortaq dəyərlərin göstəricisidi.
“Neftçi” Azərbaycanın ən titullu klublarından biri və ilk peşəkar futbol klubudu. 1968-ci ilə qədər “Neftyanik” adlandırılıb və 27 mövsüm SSRİ-nin Yüksək liqasında çıxış edib. 1966-cı ildə SSRİ çempionatının bürünc medallarını qazanıb. “Neftçi” Avropa Liqasının qrup mərhələsinə vəsiqə qazanan ilk Azərbaycan komandasıdı.
“Neftçi”nin prezidenti Kamran Quliyev əməkdaşlıqla bağlı bunları qeyd edib:
“Azarkeşlərlə qarşılıqlı əlaqəni və komandanın inkişafını nəzərə alaraq, “Neftçi” PFK-nın yeni zirvələrə yüksəlməsi üçün futbol və texnologiya arasında əməkdaşlıq vacibdi. Biz “Lenovo” ilə əməkdaşlıqdan məmnunuq. Biz birlikdə “Neftçi”ni daha da texnoloji və mütərəqqi edəcək innovasiyaları stimullaşdıra bilərik”.
“Lenovo” şirkətinin Mərkəzi Asiya üzrə baş direktoru Alnur Yermagambetov da fikirlərini söyləyib:
“Biz Azərbaycanın ən köklü futbol klublarından biri ilə əməkdaşlığımızla fəxr edirik. İdman zəfərlərinin uzunömürlü tarixi, mükafat və titulların böyük siyahısı, eləcə də “Lenovo” ilə ortaq dəyərlər bunun sponsorluqdan daha çox şey olduğunu söyləməyə imkan verir – bu həm meydanda, həm də meydandan kənarda uğur qazanmağa can atan qaliblərin əməkdaşlığıdı. Ağıllı texnologiyaların və innovativ məhsulların köməyi ilə “Neftçi” PFK rəqəmsal transformasiyaya doğru daha bir addım atır”.
Əməkdaşlıq çərçivəsində, “Lenovo” “Neftçi”ni “Lenovo Tab P11” planşetləri kimi smart texnologiyalarla təmin edəcək. Bu planşetlər “Neftçi TV”nin verilişlərinin canlı yayımı, komandanın oyun və məşqləri zamanı, həmçinin klubun mətbuat konfransı zalındakı tədbirlərdə istifadə olunacaq.Lenovo qlobal olaraq böyük idmanın rəqəmsal transformasiyası üçün müasir texnoloji cavabların tətbiqini dəstəkləyir. Şirkət hazırda “Ducati MotoGP™” komandasının titul sponsoru, həmçinin “Formula 1”, “İnter” (Milan) Futbol Klubunun, Səudiyyə Ərəbistanı Futbol Federasiyasının və “Şimali Karolina” (ABŞ) Futbol Klubunun texnoloji əməkdaşıdı.
