Çerçesovun “Qarabağ”a uduzduğunu, sadəcə, kontekstdən kənarda yazsaq, mövzudan xəbərsiz adamlar dərhal deyəcək ki, necə belə ola bilər?! Xeyterlər, ümumiyyətlə, əllərini ovuşduracarlar ki, onlar indi elə bununla məşğuldu. Əlbəttə, bu, məşqçinin yaradıcılıq uğursuzluğudu – kim mübahisə edə bilər? Yeri gəlmişkən, ilk qolu vurduğun səfər heç-heçəsindən sonra komandanın şüuraltında yatan “əşi, evdə onsuz da...” düşüncəsinə dair tipik tarixçədi. Evdə isə əksinə alınır. Dmitri Aleyniçevin qovulmasına, Massima Karreranın gəlişinə səbəb olan “Spartak” – AEK oyununu xatırlayırsızmı? Onda da elə olmuşdu. Kiprdəki dəhşətli istidə hesabı açdılar, daha üç-dördünü vurmalıydılar, ancaq imkanları sağa-sola payladılar və əvəzində qol buraxdılar. Bununla belə, evə o hisslə qayıtdılar ki, hə, bu uşaq oyuncağıdı, qələbədən başqa variant yoxdu. Və sonda qol buraxmaqla iflasa uğradılar. Məşqçinin vəzifələrindən biri də komandada taktika ilə yanaşı, belə mental səhvlərə də yol verməməkdi. Bu dəfə eyni şey olub, ya yox – bilmirəm, ancaq hesab tablodadı. Düşünürdüm ki, artıq “Ferentsvaroş”da düzgün psixologiya formalaşıb. Ancaq bu dəfə...
Evdə məğlubiyyətin, səfərdə darmadağının olduğu “Slovan”la əvvəlki mərhələ “Ferentsvaroş”un məşqçi korpusunu silkələməliydi. Yenə ev oyununda işlər qaydasında getmədi. Öz meydanında oyunun gedişində 0:3 uduzursansa, “heç də hər şey birmənalı deyil” ifadəsi ola bilməz. Çerçesovu və korpusunu tanıyan adam kimi əminəm ki, onlar bu oyuna görə özlərini mühakimə edəcəklər. Sizi bundan xəbərdar etmədən və ağlaşmalı piar-tarixçə yaratmadan. AÇ-2020-dən sonra çoxları gözləsə də, o, prinsipial şəkildə ictimaiyyət önündə üzr istəmədi, ancaq peşəkar planda özü üçün milyonlarla nəticə çıxardı. Aleyniçevin “Spartak”ının tarixçəsini “Ferentsvaroş”un bu tarixçəsi ilə mental baxımdan azacıq müqayisə etmək olarsa, “Qarabağ”ın həmin AEK olmadığı dəqiqdi. Çox uzaqdı. Qulaq asın, komanda ilk seçmə mərhələdə Polşa çempionu “Lex”i məhv edir (5:1), ikincidə İsveçrə çempionu “Sürix”i adlayır (3:2, 2:2). İsveçrlərilər müntəzəm avrokubokların qrup mərhələsində oynayır, son mövsümdə 2-ci yeri tutan “Bazel”i 14 xal arxada qoyublar. Bəs onda “Ferentsvaroş” – heç də Avropanın top sayılmayan ölkəsinin çempionu “Qarabağ”ı məğlub etməyə borclu idi? Ona görə ki, Macarıstan Azərbaycandan daha Avropalaşmış görünür? Dəlil deyil ki. Bəli, “Transfermarkt”a görə komandaların ümumi dəyəri fərqlidi – macarların 36 milyon avrosu hara, “Qarabağ”ın 14 milyonu hara... İki dəfədən artıq fərq var. “Sürix”də 43 milyon idi. “Lex”in 32 milyonu da “Qarabağ”dan iki dəfə artıqdı. Və Qurban Qurbanovun komandası onların hamısını keçdi. Odu ki, ilk növbədə “Qarabağ”ı tərifləmək və ona hörmət etmək lazımdı, daha bu üç komandanı biabır etmək yox. Budapeştdə fərqli çəki dərəcələrinə aid komandalar qarşılaşmadı. UEFA-nın əmsallar cədvəlində də Azərbaycanla Macarıstan yanaşı – 26-27-ci yerlərdə dayanıb. Məsələn, İsveçrə 14-cü yerdədi, bax, “Sürix”in məğlubiyyətini iflas kimi dəyərləndirmək daha çox yerinə düşür. Sadəcə, Çempionlar Liqasında seçmə mərhələ belədi – lap əvvəldən başlayırsansa, bütün mərhələləri arxada qoymaq son dərəcə çətin vəzifədi. Əlbəttə, bu hadisə Çerçesovu ağrıdır – özü də komandanın bir neçə il əvvəl Sergey Rebrovun rəhbərliyi altında Çempionlar Liqasının qrupuna vəsiqə qazanmaq təcrübəsi olub. Ancaq bu turnirin qrupunda irəliləmək perspektivi onsuz da azdı. Bəlkə də məhz buna görə avrokuboklara Avropa Liqasından adlamaq Çerçesov üçün daha perspektivli olacaq. Bunun üçün yalnız İrlandiya “Şemrok Rovers”ini məğlub etmək lazımdı. Bu isə artıq məcbur vəzifədi.

İQOR RABİNER, “Sport-Ekspress”in icmalçısı