Sterlinq "Mançester Siti"dən ayrılma səbəbini açıqladı
"Çelsi"nin futbolçusu Rahim Sterlinqin mətbuat konfransı keçirilib.
"Football-plus.az" xəbər verir ki, ingilis hücumçu "Mançester Siti"dən ayrılmasının səbəbini belə izah edib:"Bir insan kimi həyatda hər zaman uğur qazanmaq istəyirsən. "Mançester Siti"dəki oyun vaxtımın müxtəlif səbəblərdən məhdudlaşdırıldığını hiss edirdim, buna görə də daha çox vaxt itirə bilməzdim. Bir gün keçmişə baxanda karyeramda yüksəliş və daha sonra eniş görmək istəmirəm. Bu səbəbdən eyni səviyyəni qorumağa çalışmalı idim. Yeni bir sınağa ehtiyac duyurdum".
Sterlinq ötən ay 56 milyon avro qarşılığında MS-dən "Çelsi"yə keçib.
