"Ferentsvaroş"un rəsmi saytından götürdüyümüz bu şəklə diqqətlə baxmağa dəyməz. Ona görə ki, Stanislav Çerçesov ön, Qurban Qurbanov arxa plandadı. Klub saytının əməkdaşlarının yerində olsaydıq, işlə bağlı bütün qayda-qanunları pozar, azərbaycanlı məşqçini önə çıxarardıq. Allah bilir, Macarıstan çempionunu sonuncu dəfə hansı komanda belə əzici üstünlüklə yenib?! Ədalət naminə onu da etiraf etmək lazımdı ki, Stanislav Salamoviç oyundan sonra "Qarabağ" çox güclü komandadı" deməklə ağdamlılar üçün özünəməxsus şəkildə marketinq menecerliyi etdi. Keçmiş olsun, Çerçesov! Keçmiş olsun, hun qardaşlar!