Qəbələdə təlim-məşq toplanışında olan 17 yaşadək futbolçulardan ibarət milli dünən növbəti yoldaşlıq oyununu keçirib.

"Football-plus.az" xəbər verir ki, Özbəkistanın müvafiq yaş qrupundan ibarət komandasına qarşı görüş 3:0 hesabı ilə rəqibin xeyrinə başa çatıb. İyulun 26-da keçirilən ilk qarşılaşma 2:2 hesabı ilə nəticələnmişdi.

Bakıda təlim-məşq toplanışında olan 19 yaşadək futbolçulardan ibarət yığma isə ilk yoldaşlıq oyununa çıxıb. Bakı Olimpiya Stadionunun ehtiyat meydançasında Belarusa qarşı keçirilən matçda millimiz qələbə qazanıb – 1:0. 81-ci dəqiqədə penaltidən Nəriman Axundzadə fərqlənib.

Komandalar arasında növbəti qarşılaşma iyulun 31-də reallaşacaq.