“Filadelfiya” müdafiəçi Ceyms Hardenlə müqaviləni yenilədiyini elan edib. 32 yaşlı amerikalının 68,6 milyon dollarlıq ikiillik müqavilə bağlayacağını xəbər vermişdik. O da bildirilir ki, MBA-da Ulduzların oyununda 10 dəfə iştirak edən ulduz maaşının 15 milyon dollar azaldılmasına razılıq verib və komandası bunun sayəsində yeni oyunçuları qeydiyyatdan keçirə biləcək. Harden ötən mövsüm “Filadelfiya”nın heyətində keçirdiyi 21 oyuda orta hesabla 21 xal toplayıb, 7 ribaund edib və 10,5 ötürmə verib.
O, müqaviləni yeniləyəndən sonra növbəti mövsümlə bağlı gözləntilərini də bölüşüb: “Burda qalmaq istədim. Qələbələr qazanmağa çalışacağıq, hesab edirəm ki, hədəfimizş çatmaq üçün zəruri hər şeyimiz var. Filadelfiyadakı ilk gündən bəri özümü evdəki kimi hiss edirəm. Ötən mövsüm başladığım çıxışı davam etdirə biləcəyimə görə şadam. Komanda ilə birgə meydana çıxacağım gün üçün səbirsizlənirəm”.
Bu arada “Yahoo! Sports” MBA rəhbərliyinin yeni mövsümdə koronavirusa qarşı məcburi peyvənd tələb etməyəcəyi ilə bağlı xəbər yayıb. Ancaq bütüm əməkdaşların tam peyvəndlənməsi tövsiyə olunur. Bununla belə, komandaların təmsil etdiyi şəhərlərin hakimiyyət orqanlarının peyvəndlə bağlı öz qaydaları ola bilər.