Paulo Dibala yayda iş yerini dəyişəcək.

O, klubu ilə yeni müqavilə mövzusunda razılığa gələ bilməyib. 28 yaşlı argentinalı hücumçunun agenti “Yuventus” rəhbərliyinin şərtlərini qəbul etməyib. Bu isə Dibalanın yayda klubu azad agent kimi tərk edəcəyi deməkdi. O, İtaliya nəhənginin formasını 2015-ci ildən geyir. Paulo indiyədək “Yuventus”da keçirdiyi 283 oyunda 113 qol vurub və 48 məhsuldar ötürmə edib.

Onun yeni mövsümdən “İnter”də oynamaq ehtimalı yüksək dəyərləndirilirdi. Yerli mənbələr İtaliyanın son çempionunun onu qane edəcək təkliflə çıxış etməyə hazır olduğunu çoxdan vurğulayırdı. Lakin son xəbərlərdə Paulonun İspaniyaya yollanmaq ehtimalının yüksək olduğu qeyd edilir.