Millət vəkili Qurban Qurbanovu təriflədi
Dünən "Qarabağ" Çempionlar Liqasının 1-ci təsnifat mərhələsində "Lex"i 5:1 hesabı ilə məğlub etdi.
Football-plus.az xəbər verir ki, millət vəkili Fazil Mustafanın Ağdam təmsilçisinin qələbəsi və Qurban Qurbanov haqda "feysbuk" hesabında paylaşım edib:
“Yerində olan bir adam var. Burası çox sadə yerdi. Ölkədə olan məşqçisini tanımadığımız, oyununa oyun kimi baxdığımız klubların içində oyununa dəyər kimi yanaşan, qələbəni milli bir vəzifə kimi idrak edən Qurbandan söz edirəm. Bütöv bir naşı dəstəsinin üzərindən başı ucalara qalxmış adam həm də isbatlayır ki, bir nəfərin fədakarlığı və məsuliyyəti ilə qələbə qazanmaq mümkündü. Qarabağ adının ucuzlaşmasına, urvatsızlaşmasına yol verməyən, futbol üzərindən millətin qələbə ruhunu diri saxlayan komandiri qorumaq lazımdı. Sındırmaq və yandırmaq istəyənlərə ən ciddi cavabı Polşa çempionuna vurulan 5 qolla verdi. Bu sadəcə qələbə ilə yekunlaşan oyun deyildi, Azərbaycanın bütün sahələrdə mümkün potensialı barədə vizual nümayiş idi. Bu gücü yalnız Azərbaycana "qurban olmağı" bacaranlar hərəkətə gətirə bilər. Siyasətdə, təhsildə, mədəniyyətdə, iqtisadiyyatda, elmdə, sənətdə və bataqlığa gömüldüyümüz hər yerdə”.
