Samir Əliyevin baş məşqçisi olduğu U-23 avqustun 1-də Konyada keçiriləcək İslam Həmrəyliyi Oyunlarına qatılacaq. Etibarlı mənbədən əldə etdiymiz məlumata görə, mötəbər yarışın startına bir aydan da az vaxt qalmasına baxmayaraq, Samir bəy qardaş ölkəyə yollanacaq millidə kimlərin yer alacağını hələ müəyyənləşdirə bilməyib. Mənbəmizin sözlərinə inansaq, elita təmsilçilərinin əksəriyyəti oyunçularını yığmaya buraxmamaqla U-23-ün baş məşqçisinə problem yaradırlar. Elita klublarından yalnız “Qarabağ”, “Turan Tovuz” və “Kəpəz” Əliyevin müraciətinə müsbət yanaşaraq futbolçularının Konyayaya yollanacaq millinin heyətində olmalarına icazə verib. Qurban Qurbanov, Ayxan Abbasov və Yaşar Vahabzadə Samir bəyə kömək edəcəklərini bildiriblər.
Söylənilənlərə aydınlıq gətirmək üçün U-23-ün baş məşqçisi ilə əlaqə saxladıq. Əliyev “Footbal-plus.az” saytına açıqlamsında bunları söylədi: “Avqustun 1-i komanda bir araya gəlməlidi. 8-də isə ilk oyunumuzdu. Təəssüf ki, yarış klublarımızın avrokuboklara və yeni mövsümə hazırlaşdığı dönəmə təsadüf edir. Bu üzdən U-23 mötəbər turnir ərəfəsində nə toplanış keçə, nə də yoxlama görüşündə qüvvəsini sınaya bilir. Birbaşa yığışıb Konyaya yollanacağıq. Bu günə kimi bəlli deyil ki, komandada kimlər yer alacaq. Bizdən fərqli, qrupumuzdakı rəqiblər Səudiyyə Ərəbistanı, İran və Mərakeş Konyaya hazır komanda ilə gələcəklər. Səudiyyə Ərəbistanı və İran barədə müəyyən bilgi əldə etmişik. Çünki hər iki komanda yaxınlarda başa çatan Asiya kubokunda iştirak ediblər, ərəblər hətta çempion olublar. Deməyim odu ki, hər ikisinin formalaşmış heyəti var”.
“Klublar futbolçularını niyə milliyə buraxmır” sualına Samir bəy belə cavab verdi: “Klubları da çox qınamaq istəmirəm. Onlar avrokuklarda, yeni mövsümdə nəticə qazanmaq istəyirlər. Bu səbəbdən futbolçularının hazırlıq prosesində iştirakını istəyirlər. Bu yarış Asiya ölkələrini təmsil edən yığmalar üçün uyğun vaxtda keçirilir. Avropa milliləri üçün təqvim o qədər də münasib deyil”.
Qardaş ölkədə təşkil olunacaq İslam Həmrəyliyi Oyunları çərçivəsində təşkil olunacaq futbol yarışlarında cəmi 8 komanda iştirak edəcək ki, onlar da iştirakını bir neçə ay öncədən təsdiq ediblər. Yarımcan heyətlə yarışa qatılmaqdansa, turnirdən imtina etmək daha yaxşı olmazdımı? U-23-üç baş məşqçisi bu addımın doğru olmadığını söylədi: “Azərbaycan turnirin son qalibi olub. Belədə yarışdan imtina nə dərəcədə düzgün olardı? İstədiyimiz futbolçuları heyətə cəlb edə bilməsək, Konyaya ən pis Konyaya U-20 ilə yollanacağıq”.
RƏŞAD