“Barselona” heyətini yeni futbolçularla gücləndirib.

Keçidi ilə bağlı razılıq bir neçə ay əvvəl əldə edilən iki oyunçu İspaniya klubuna qoşulub.

“Milan”dan ayrılan Frank Kessi artıq Kataloniyanın inzibati mərkəzindədi. Kot d’İvuar millisinin üzvü ilə 4 illik müqavilə imzalanıb. 26 yaşlı yarımmüdafiəçiyə 500 milyon avro təzminat qiyməti qoyulub. Qeyd edək ki, 2017-ci ildən “Milan”da çıxış edən Frank bu komandada 223 oyuna 37 qol vurub və 16 məhsuldar ötürmə edib.

“Barselona” “Çelsi”dən azad agent kimi ayrılan müdafiəçi Andreas Kristenseni də heyətinə qatıb. Danimarkalı oyunçu ilə imzalanan müqavilənin detalları açıqlanmayıb.