"Qarabağ"ın futbolçusu Marko Veşoviç Çempionlar Liqasının 1-ci təsnifat mərhələsində "Lex"lə (Polşa) səfər oyunu öncəsi Polşa mətbuatına müsahibə verib.

"Football-plus.az" həmin müsahibəni təqdim edir.

- "Qarabağ" Polşa çempionu ilə düşəndə nə düşündünüz?

- Püşkatmadan sonra Polşaya qayıda bildiyimə görə sevindim. Amma düzünü desəm, “Lex” çətin rəqibdir, ona görə də klubda buna heç də hamı sevinmirdi. Axı, biz daha asan rəqiblə qarşılaşa bilərdik.

- "Lex"də ötən mövsüm başa çatdıqdan sonra baş məşqçi dəyişikliyi oldu. Maçey Skorza istefa verdi və onun yerinə Con van den Brom təyin edildi. Bu dəyişikliyi necə qarşıladınız?

- Bu, bizim üçün naməlum olan dəyişiklikdir. Niderlandlı mütəxəssisin rəhbərliyi altında komandanın necə oynayacağı, hansı üslubu mənimsəyəcəyi, ümumiyyətlə, onları nə gözlədiyi barədə heç bir məlumatımız yoxdur. Rəqibə meydanda reaksiya verməli olacağıq. Çünki hər cür vəziyyətin öhdəsindən gələn yaxşı komandamız var.

- İlk görüş bu rəqabətin taleyi üçün həlledici olacaq?

- Şansları bərabər qiymətləndirirəm, amma Bakıda cavab görüşü var. Bilirik ki, Poznanda diqqətli olmalıyıq. Biz tələsik oynaya bilmərik. Biz öz futbolumuzu oynamaq istəyirik. Bundan başqa, məşqçi Qurban Qurbanov bizə nizam-intizamın və komanda oyununun vacib olduğunu deyir. Bizim heyətimizdə ulduz futbolçular yoxdur, baş məşqçi heç kimin problem yaratmasını istəmir. "Lex"in yeni baş məşqçisi var, ona görə də onlarda motivasiya olacaq. Çünki hər bir oyunçu meydana çıxmaq istəyəcək. Amma bizim motivasiyamız da yaxşıdır. Hər il avrokubokların qrup mərhələsində oynayırıq. Biz bu mövsüm də buna nail olmaq istəyirik. Biz avrokuboklara hazırıq və ümid edirəm ki, bunu “Lex”lə oyunlarda göstərəcəyik.

- Ümumiyyətlə, "Lex"i necə qiymətləndirirsiniz?

- "Lex"in liqa matçlarını, "Rakov" və "Poqon"la çempionluq yarışını izlədim. Sabiq baş məşqçi Skorza güclü komanda yaratdı və onu yaxşı təşkil etdi. Orada yaxşı balans var. Komandada hər kəs hücum edir, eyni zamanda müdafiə olunur. Mikael İshak hücumda təhlükəlidir, effektiv hücumçudur. Onun nəyə qadir olduğunu bilirəm. Üstəlik, həm fərqlənən, həm də məhsuldar ötürmələr edən Juan Amaral da var. Bu ikili fərq yaradır. Amma Adriel Ba Loua kimi başqa futbolçuları da var.

- Polşa "Legiya"sında çıxış edərkən Liqada ilk qolunuzu “Lex”ə vurdunuz. İndi bunu avrokuboklarda təkrarlayacaqsınız?

- Gözəl olardı, etiraz etmirəm. Həmin vaxt Polşa çempionatında ilk oyunum idi və biz 2:1 hesabı ilə qalib gəlmişdik.

- “Qarabağ” illərdir, müntəzəm olaraq avrokubokların qrup mərhələsində çıxış edir. Bu dəfə bunu bacarmasanız, klub üçün fəlakət olar?

- Klubda belə bir ssenarinin baş verməsinə necə reaksiya verəcəklərini bilmirəm. Klub hər il bu kuboklarda oynadığı üçün əlbəttə ki, kədərlənərdilər. Mən optimistəm, çünki dediyim kimi, bizim Avropada mübarizə aparmağa hazır olan yaxşı komandamız var. “Qarabağ”ın məqsədi hər il avrokubokların qrup mərhələsinə vəsiqə qazanmaqdır.

- Ötən mövsüm Konfrans Liqasına başlamanızı necə xatırlayırsınız?

- Qrupda ikinci yerdə idik, pley-off mərhələsinə çıxdıq. Ancaq burada "Marsel" bizi mübarizədən kənarlaşdırdı. Lakin mən matçda qol şanslarımız olduğu üçün nəticə oyunumuzu əks etdirmədi. Bütün Azərbaycan "Qarabağ"ı alqışlayır. Buna təəccübləndim, çünki nə Polşada, nə də Serbiyada belə bir vəziyyətlə rastlaşmamışdım. Bu mənim üçün yeni bir durum idi.

- Azərbaycanda ilk mövsüm sizi qane edirmi?

- Bəli, ölkə çempionatının və ölkə kubokunun qalibi olduq. İndi yenidən Avropada özümüzü göstərmək istəyirik. Xoşbəxtəm, çünki zədədən əsər-əlamət yoxdur və səhhətim yaxşıdır. Klubda, millidə müntəzəm oynamışam. Mənim üçün ən vacibi bu idi. Bakıda yaşayıram, ora gözəldir, şikayət etməyə haqqım yoxdur. Hər şey yüksək səviyyədədir.

Son xəbərlər

Zaniolo "Tottenhem"ə keçmədi

Dadaşovun bərabərlik qolu - VİDEO

Renat Dadaşov komandasını məğlubiyyətdən xilas etdi

Baneqa La Liqa yolunda

Abakarov gümüş medal qazandı - KONYA-2021

"Sumqayıt"dan yeni transfer

"Növbəti mərhələyə adlasaq, hər cür söz verəcəm" - Laurentsiu Regekampf

İdmançılarımızdan daha iki medal - KONYA-2021

“Bizi çətin oyun gözləyir” - Yusuf Laval

Güləşçilərimizdən 3 qızıl medal - KONYA-2021

"Neftçi" ilə oyun maraqlı olacaq" - Patrik Qrayl

"Neftçi"nin özünəməxsus oyun tərzi var" - "Rapid"in baş məşqçisi

Millimizdən 5-ci medal - KONYA-2021

"Neftçi"dən azarkeşlərə müraciət

"İnter"dən "Sassuolo"ya

"Nyukasl" "Çelsi"nin futbolçusunu istəyir

"Qəbələ"dən növbəti transfer

Mariya Stadnik finalda

Leyla Əliyeva güləşçilərimizin çıxışlarını izləyir

PSV-nin futbolçusu "Mançester Yunayted"ə keçə bilər

Hacı Əliyev gümüş medalı təmin etdi

Millimiz Əfqanıstana qalib gəldi

"Neftçi" səfər oyunlarında problem yaşayır" - "Rapid"in baş məşqçisi

"Heyətimizə əsasən gənclər dəvət olunub" - Millimizin üzvü

"Qarabağ" - "Viktoriya" matçının vaxtı açıqlandı

"Qarabağ"ın qələbəsində gözlənilməz heç nə yoxdu" - Yuri Syomin

FFF Qaltyenin PSJ ilə müqaviləsini tanımadı

İngiltərə premyer-liqasının ilk turunda qeydə alınan maraqlı faktlar

“Real”dan “Jirona”ya keçdi

Silva Barselonada ev axtarır

“Napoli” Ruisi də itirir

"Qarabağ"ın rəqibi pleyy-offa belə yüksəldi - VİDEO

Millimiz oynamadan qələbə qazandı - İslam Oyunları

Sahil Babayev boks millisinin üzvləri ilə görüşdü - FOTOLAR

"Misli" ilə PFL arasında müqavilə imzalandı

Kadi Borges bu göstəricidə birincidi - Çempionlar Liqası

“Ayntraxt”ın ilk, “Real”ın 8-ci cəhdi - YENİLƏNİR

"Daha çox "Ferentsvaroş"la oynamaq istəyirdim" - "Viktoriya"nın baş məşqçisi

"Qarabağ" bu göstəricilərlə ÇL-də birincidi - Statistika

"Belə tez dağılmamalı idik" - "Ferentsvaroş"un futbolçusu

"Neftçi" Avstriyaya yola düşdü

"Hələ Çempionlar Liqasında oynamağa hazır deyilik" - "Ferentsvaroş"un futbolçusu

"Qarabağ"ın qələbəsi Azərbaycanın xalını artırdı

"Rəqibin yaxşı imkanları var idi" - Zubir

Qurban Qurbanov: "Çexiya klubları çox intizamlı olurlar" - MÜSAHİBƏ

Bütün xəbərlər