"Formula-1"in sabiq rəhbərinin Putin sevgisi
2019-cu ilin iyunlunda Rusiya prezidenti Vladimir Putin naminə canından keçməyə hazır olduğunu bildirən “Formula-1”in sabiq rəhbəri Berni Ekklstoun Britaniyanın “Good Morning” şousuna müsahibə verərkən növbəti sərsəm açıqlama ilə yadda qalıb: “Əminəm ki, Ukrayna vəziyyətdən çıxmaq istəsəydi, bunu edə bilərdi. Ukraynadakı dostumuza (Zelenski) bunu dayandırmaq çox asan idi. Zelenski əvvəllər komediya ustası idi və görünür, peşəsini davam etdirmək niyyətindədi. Çünki Putinlə danışmaq və onu dinləmək üçün kifayət qədər səy göstərsəydi, nəyisə dəyişə bilərdi. Hələ də Vladimir Putin üçün özümü güllənin qabağına verməyə hazıram. O, birinci dərəcəli adamdı. Hərəkətlərini hesablayır və belə hesab edir ki, Rusiya üçün yaxşı iş görür”.
2017-nin yanvarında “Formula-1”dəki rəhbər vəzifədən uzaqlaşan Ekklstoun Rusiya prezidentinin çoxdankı dostudu. “Kral avtoyarışları” Soçidə keçirilərkən tez-tez görüşürdülər.
Digər xəbərlər
