“Formula-1”in sabiq rəhbəri Berni Ekklstounun fikrincə, Monako mərhələsinin yerini heç nə tuta bilməz.

Xatırladaq ki, Monte-Karlo küçələri 1955-ci ildən bəri “Formula-1” yarışlarına evsahibliyi edir. Lakin son illərdə əfsanəvi trassın təqvimdən çıxarılacağı ilə bağlı iddialar artır. Bunun əsas səbəbləri maliyyə və yarışın darıxdırıcı keçməsidi. Amma Ekklstoun fərqli düşünür: “Heç kimin Monakonu təqvimdən çıxarmağa cəsarəti yoxdu. Oranın yaxşı və ya pis yarış olması fərq etmir. Ora “Formula-1”in brilyant qaşıdır. Mayamiya baxın. Ora “Formula-1” üçün deyildi.

Elə bil yerli klub yarışırdı. Avtoparka bir neçə yaxta qoyub, oranı Monakoya oxşadırdılar. Monako yarışının təşkilatçıları hələ xoşbəxtdi. Drama uymurlar və özlərinə güvənirlər. Ortada heç bir problem görmürəm”.