Paralimpiyaçılarımız Tunis Qran-Prisində daha 4 medal qazandılar.

"Football -plus.az" xəbər verir ki, Milli Paralimpiya Komitəsinin məlumatına görə, atletika idman növü üzrə idmançısı, Tokio 2020 XVI Yay Paralimpiya Oyunlarının bürünc mükafatçısı Səid Nəcəfzadə (T12) uzunluğa tullanma növündə 7.19 metr, Orxan Qasımov (F13) nizə atma növündə 62.86 metr, Elmir Cəbrayılov (T13) 400 metrəyə qaçış növündə 51.92 saniyə nəticə göstərərək yarışın qızıl medalını qazanıblar.

Uzunluğa tullanma növündə iştirak edən digər təmsilçimiz Kamil Əliyev (T12) isə 6.61 metr nəticə göstərərək bürünc medala sahib çıxıb.

Bununla da Tunis Qran-Prisində idmançılarımızın qazandığı medal sayı altıya çatır. Qeyd edək ki, daha öncə Məhərrəm Qasımov (F11) nüvə itələmə növündə 10.13 metr və Elmir Cəbrayılov (T13) 100 metrəyə qaçış növündə 11.55 saniyəlik nəticə göstərərək yarışın qızıl medalını əldə ediblər.