''Xetafe''nin şərəfini qoruyan və ötən mövsüm sərgilədiyi uğurlu performansla Avropa klublarının diqqətini cəlb edən Enes Ünal ilə bağlı növbəti transfer xəbəri yayılıb.

İspaniyanın COPE radiostansiyasının məlumatına görə ''Yuventus'' 25 yaşlı futbolçuya maraq göstərir. Turin klubunun rəsmiləri Türkiyə yığmasının üzvü barədə məlumat toplamağa başlayıblar. ''Xetafe'' ilə 2025-ə qədər müqaviləsi olan Ünalın təzminatı 40 milyon avrodu.

Madrid təmsilçisinin bu futbolçuya görə ən azı 25 milyon avro tələb etdiyi deyilir. Amma ''Yuve'' Enesi əsas heyət üzvü kimi yox, ehtiyat qüvvə kimi transfer etmək istəyir. Bu üzdən ''Qoca Sinyora''nın bu boyda məbləği ödəyəcəyi inandırıcı görsənmir.

Qeyd edək ki Enes Ünal ötən ''futbol ili''ndə 37 oyunda 16 qol, 1 məhsuldar ötürmə ilə yadda qalmış və fanatlar arasındakı sorğuda ''Xetafe''də mövsümün ən yaxşı oyunçusu seçilmişdi.