Son günlər “Kəpəz”də həyat qaynayır.

Bir neçə gün öncə Gəncə təmsilçisi 6 futbolçu ilə müqavilə müddətini uzatmadığını ictimaiyyətə açıqlamışdı. Srağagün isə “sarı-göylər”in mətbuat xidməti klub rəhbərliyinin 4 oyunçu ilə yeni anlşamaya imza atdığı barədə xəbər paylaşıb. Söhbət ötən mövsüm divizionda çıxış edən komandanın şərəfini qoruyan Tural Rzayev, Nicat Süleymanov, Bəhruz Teymurov və Elçin Əlicanovdan gedir. Adlarını çəkdiyimiz futbolçularla 2022/23 mövsümünün sonuna kimi müqavilə bağlanıb.

Mehman Allahverdiyev “yuva”ya döndü

Bu arada klubun idarəçiliyində də yenilik baş verib. Vaxtilə “sarı-göylər”də baş məşqçi, vitse-prezident, icraçı direktor kimi çalışmış Mehman Allahverdiyevin 6 ildən sonra kluba qayıdışı gerçəkləşib. Allahverdiyev bu dəfə Gəncə təmsilçisinin idman direktoru vəzifəsinə təyinat alıb. Onunla müqavilənin müddəti də bir il üçün nəzərdə tutulub. Xatırladaq ki, "Kəpəz" müstəqillik dönəmində ən böyük uğurlarını məhz Mehman bəyin rəhbərliyi altında qazanıb. Nizami yurdunun təmsilçisi 3 dəfə Azərbaycan çempionu, 4 dəfə ölkə kubokunun qalibi olub, çempionatın gümüş və bürünc medallarını qazanıb.

Onu niyə qaytardılar?

“Kəpəz”in premyer-liqada və ya divizionda çıxış etməsindən asılı olmayaraq, daim “Gəncə futbol şəhəridi” fikrini eşitmişik. Gəncənin futbol təsərrüfatında həmişə intriqaların yaşandığını, müxtəlif qruplaşmaların olduğunu görmüşük və bu gün də xoşagəlməz ənənə davam etməkdədi. Ölkənin futbol ənənələri ilə öyünən ikinci şəhərində “Kəpəz” futbol veteranları üçün daim “yağlı qoğal” təsiri bağışlayıb. Sanki klubda hakimiyyəti ələ keçirmək, rəhbər postda oturmaq Gəncənin giriş qapısı sayılan Dövlət Yol Polisinin Zazalı postundan Şəmkir postuna kimi böyük əraziyə nəzarət etmək kimi qürurverici olay, gücün, hakimiyyətin bariz göstəricisidi. Bu səbəbdən Nizami yurdunun təmsilçisi uğrunda daim klanlararası mübarizəyə şahidlik etmişik. Yaşar Vahabzadənin “sarı-göylər”in baş məşqçisi kimi premyer-liqada işini davam etdirəcəyi hələ mayın sonlarında məlum idi. Baxmayaraq ki, bu məsələ rəsmi şəkildə ictimaiyyətə açıqlanmamışdı. Ancaq Gəncənin futbol veteranları bunu yaxşı bilirdilər və buna görə şəhərdə antiyaşar kampaniyasına start verilmişdi. Demək olar ki, hər gün başda Firuz Qulami olmaqla, bir qrup veteran mətbuata Vahabzadənin fəaliyyətindən narazılıq edir, müxtəlif yerlərə şikayət məktubları ünvanlayırdılar. AFFA rəhbərliyi bu dedi-qodunu, narazılığı aradan qaldırmaq üçün siyasi gediş etməyi lazım bildi. Məhz bu səbəbdən 6 ildən sonra Allahverdiyevi kluba qaytardı ki, gəncəli veteranlar sakitləşsinlər, Gəncə futbolunun “xaç atası” sayılan 62 yaşlı mütəxəssisə görə “Kəpəz”də suları bulandırmasınlar. Ancaq assosiasiya rəhbərliyinin bu addımı özünü doğruldacaqmı? Çətin… Çünki yuxarıda qeyd etdiyimiz kimi, ölkənin ikinci şəhərində “Kəpəz” uğrunda fərdlər yox, artıq klanlar arasında mübarizə gedir. Vaxtilə butslarını mismardan asandan sonra müxtəlif sahələrdə pul qazananlar – bukmeker kontoru işlətməkdən tutmuş, ticarətə qədər – indi həmin sahələrdə istədiklərini əldə edə bilmədiyindən yenidən “pul futboldadı” prinsipinə əsaslanaraq, bu sahəyə üz tutmağı planlaşdırıblar. Və bu yolda uğur qazanmaq üçün əməlli-başlı hərəkətə keçiblər. Sabah Yaşar Vahabzadənin istefasına nail olub “Kəpəz”in “sükanı arxasına” yerli kadr keçsə belə, Gəncədə yenə ona qarşı müxalifət olacaq, yenə futbol qalacaq bir tərəfdə, futbolun ətrafında oyunlar gedəcək. Bu proses illərdi davam edir və görünən odu ki, belə də davam edəcək… Ola bilər ki, Allahverdiyevə görə bir müddət Gəncə futbolunda “atəşkəs” elan olunsun, “Kəpəz”də söz sahibi olmaq uğrunda mübarizə aparan qüvvələr bir qədər sakitləşsinlər. Ancaq bu “tufanqabağı sakitliyə” bənzəyəcək.

Xaliq Mərdanov da yaddan çıxmadı

Mehman bəyin ardından daha bir yerli kadr klubda işlə təmin olundu. Əvəzedici heyəti çalışdırmaq “Kəpəz”in veteranlarından biri hesab olunan Xaliq Mərdanova tapşırıldı. Onunla da birillik müqavilə bağlanıb. Xatırladaq ki, Mərdanov 2015-17-ci illərdə “sarı-göylər”in baş məşqçisi olmuş Şahin Diniyevin köməkçisi kimi əsas komandanın məşqçilər korpusunda yer alıb. Bu isə o deməkdi ki, klubu maliyyələşdirən AFFA gəncəli veteranları sakitləşdirmək üçün daha bir yerli kadrı iş başına gətirməyi lazım bilib. Bundan sonra kim gələcək, hansı vəzifəyə təyin olunacaq - bunu zaman göstərəcək. Uzağı sentyabrda “Kəpəz”də yeni təyinatlar olsa, heç də təəccüblənməyin…

RƏŞAD

Son xəbərlər

Asensio "Roma"nın hədəfində

"Çelsi"nin sahibi "İnter"in futbolçusunu istəyir

Sablyaçılarımızdan qızıl medal - KONYA-2021

"Ayaks" futbolçusunu "Mançester Yunayted"ə satmaqdan imtina etdi

"Qəbələ"dən 800-cü qol

"Viktoriya"nın səfər planı açıqlandı

"İticket.az"ın sisteminin çökməsinin ŞOK detalı - FOTO FAKT

"Qolden Boy"a namizədlər - SİYAHI

Rüfət Əhmədov əməliyyat olunacaq

"Barselona"nın hədəfindəki müdafiəçilər

"Barselona"nın hücumçusu "Çelsi"nin hədəfində

"Mançester Yunayted" futbolçusunu icarəyə göndərir

Keyn Aqueronun rekordunu təkrarladı

"Zirə" onları transferə çıxardı

"Trabzonspor" La Liqa klubundan futbolçu transfer etdi

"Tottenhem"in futbolçusu "Vilyareal"da

"Barselona" futbolçusunu icarəyə verdi

Dadaşov İsveçrədə rəmzi komandaya düşdü

Millət Vəkili "Turan 100K" layihəsinə qoşuldu

Millimiz Türkiyəyə məğlub olaraq medalsız qaldı

O "Mançester Siti"də yeni kapitan oldu

İdmançımız İslamiadada finala yüksəldi

Mbappe Neymarın satılması üçün çalışır

Millimizin oyununun başlama saatı açıqlandı

“Qarabağ”la oyunu səbirsizliklə gözləyirəm" - "Viktoriya"nın futbolçusu

"Viktoriya" “Qarabağ”la görüşdə də üç mərkəz müdafiəçisi ilə oynaya bilər - AÇIQLAMA

Azərbaycan premyer-liqasında oyunların saatı açıqlandı

"Sabah" 14 ilin rekordunu təkrarladı

Millimiz Millətlər Kubokunu 5 medalla başa vurdu

Zaur Hacı-Məhərrəmov pley-off oyununa təyinat aldı

Premyer-liqada 2022-ci ilin rekordu

"Oyun göstərdi ki, səviyyə cəhətdən bizdən daha üstün komandadı" - Samir Əliyev

"Qarabağ" - "Viktoriya": taleyimiz sloveniyalının əlində - Hakimlər açıqlandı

İtaliyanın iki klubu Ronaldoya "yox" dedi

"Mingəçevir"dən 3 hazırlıq qələbəsi

Qılıncoynadanlarımızdan daha 3 medal - İslamiada

"Real" La Liqaya qələbə ilə start verdi

“Çelsi” “Lester”in oyunçusu ilə razılığa gəldi

“Komandamın ifasında aqressiv futbol görmək istəyirəm” - Laurentsiu Regekampf

“Qollardan sonra toparlanmaq çətin idi” - Yaşar Vahabzadə

Solmaz Adilova: “Valideynlərin dəstəyi qadın güləşçilərimiz üçün vacibdi” - LAYİHƏ

“Neftçi” - “Kəpəz” matçında qol yağışı - YENİLƏNİB

“İnter” oyunçusunu icarəyə verdi

İngiltərədən İtaliyaya yollandı

“Qarşıdakı turlarda daha yaxşı komanda görəcəyik” - Elmar Baxşıyev

Bütün xəbərlər