“Neftçi”nin düşərgəsinə kimlər qoşulub? - RƏŞAD ABDULLAYEV AÇIQLADI
“Neftçi”nin baş məşqçisi hələ müəyyənləşməsə də, komanda artıq bir neçə gündü məşqlərə başlayıb.
Kollektiv əvəzedicilərin çalışdırıcısı Rəşad Abdullayevin rəhbərliyi altında hazırlıq keçir. Düşərgədə kimlərin olduğunu, məşqlərin necə keçdiyini bilmək üçün Abdullayevlə əlaqə saxladıq.
B komandanın baş məşqçisi “Football-plus.az” saytına açıqlamasında bunları söylədi:
“Artıq 4 gündü komanda hazırlığa başlayıb. Yığma üzvləri Emin Mahmudov, Azər Salahlı və Eddi İarafilova istirahət üçün əlavə vaxt verilib. Onlarla yanaşı, U-21-in heyətində olan İsmayıl Zülfüqarlı və Fərid Yusifli də hələ ki, kənardadı. Böyük ehtimalla, onlar gələn həftədən kollektivə qoşulacaq. Legionerlərdən Yusif Laval və Mamadu Mboc gəlməmişdilər ki, hər ikisi da artıq düşərgədədi. Hazırda kollektivdə zədəli, hansısa problemi olan oyunçu yoxdu. Gübndəlik məşqlərlə komandanı tonusda saxlamağa çalışırıq”.
RƏŞAD
