AFFA İcraiyyə Komitəsinin qərarı ilə premyer-liqada 21 yaşadək futbolçu limiti ləğv olundu.

Bu hadisə bir çoxlarının xoşuna gəlmədi. Əsasən də aşağı yaş qrupu üzrə yığma komandaların baş məşqçiləri müxtəlif media orqanları vasitəsi ilə qərara etiraz etdilər.

Yeni sistemə ən çox məyus olan U-21 millimizin baş məşqçisi Milan Obradoviç olub. Serbiyalı federasiyanın belə addım atacağını əvvəlcədən bilib. Bu səbəbdən də o, AFFA rəhbərliyinə maraqlı təklif edib. Milan Obradoviç U-21 və U-19 yığmalarının futbolçularından ibarət komandanın yaradılaraq premyer-liqada iştirak etməsini istəyib. Bunun olacağı təqdirdə, ümumiyyətlə çempionatda yerli futbolçu limitinə də ehtiyacın olmayacağını qeyd edib. Obradoviç həmin klubun baş məşqçisinin özünün olmasını istəyib. Klubun Bakıda yerləşməsini, baza olaraq Olimpiya stadionundan istifadə olunmasının məqsədə uyğun hesab edib. Lakin AFFA rəhbərliyi bu təklifi qəbul etməyərək 21 yaşadək futbolçu limiti ləğv edib.

İLKİN SULTANLI