Kamal Quliyev: “Prosineçkilərə, yurçeviçlərə, de byazilərə tökülən milyonlar...” - AÇIQLAMA
Azərbaycan millisinin son oyunlardakı uğursuzluğu hamının qəzəbinə səbəb olub.
Əksər mütəxəssislər əsas səbəblərdən biri kimi Canni de Byazini göstərir. Elə əlaqə saxladığımız yığmanın sabiq üzvü Kamal Quliyev də italiyalı mütəxəssisi günahlandırdı:
"Həmişə demişəm, deyirəm və deyəcəm, millinin “sükanı arxasında” yerli məşqçi dayanmalıdı. 30 yaşlı Azərbaycan yığmasına təxminən 14 il əcnəbilər rəhbərlik edib. Son illərdə də “sükan” onların əlindədi. Bəs nəticə niyə yoxdu? Hardadı onların yerli mütəxəssislərdən üstünlüyü? Hər seçmə mərhələdə qrupun dibindəyik. Prosineçkilərə, yurçeviçlərə, de byazilərə tökülən milyonlar uşaq futboluna xərclənsəydi, bu gün yetərincə istedadlı futbolçular üzə çıxardı. “Millilərşdirmə” siyasəti əvəzinə 12-15 yaşlı perspektivli uşaqları top-klubların akademiyalarına göndərsəydik, bu gün milli yaşıl meydanda biabır olmazdı. Ölkə futbolunun gələcəyi özünə reytinq, pul yığmaq üçün gələn əcnəbilərdən yox, birbaşa uşaq futbolunun vəziyyətindən asılıdı. Görəsən, səlahiyyətli şəxslər bunu nə vaxt anlayacaq?”
ABDULLA İSMAYILOĞLU
Digər xəbərlər
