Fransa yığması Millətlər Liqasının 4-cü turunun iyunun 13-də keçiriləcək Xorvatiya ilə matçına itkilərlə çıxacaq.

Müdafiəçi Luka Ernandes (Bavariya) və yarımmüdafiəçi Nqolo Kante (Çelsi) milli komandanın düşərgəsini tərk ediblər. 31 yaşlı Kante dizindən aldığı zədə səbəbindən, 26 yaşlı Ernandes isə xəstəxanada olan həyat yoldaşına baş çəkmək üçün yığmadan ayrılıblar. Qeyd edək ki, Luka tezliklə ikinci dəfə ata olacaq.