Kamal Quliyev “od püskürdü” - AÇIQLAMA
Sabah Millətlər Liqası çərçivəsində yığmamız doğma meydanda növbəti oyununu keçirəcək. Rəqib Slovakiyadı.
Üç gün sonra isə yenə evdə Belarusu qəbul edəcəyik. “Football-plus.az” saytı olaraq qarşıdakı oyunlarla bağlı mütəxəssislərin fikrini öyrəndik.
Kamal Quliyev: "Yığmamızın səfərdə keçirdiyi 2 oyuna baxdım. Amma anlamadım, meydana nə üçün çıxmışdıq? Hər iki rəqibi rahat məğlub edə bilərdik. Həmin oyunlarda ən azı 4 xal qazanacağımıza ümid edirdim. Əvəzində güc-bəla 1 xal qazanıb, 3 xal itirdik. Qrupdakı rəqiblərimizin hamısı “dişimizə görə”di. Biz daha güclü rəqiblərin yer aldığı "ölüm qrup"larında oynamışıq və indiki milli kimi qorxaq futbol sərgiləməmişik. Qrupdan çıxmaq istəyiriksə, 5-li müdafiə sistemindən niyə onəlli yapışmışıq?! Məqsəd qol buraxmamaqdısa, onda elə "11-liy"in hamısını qapının önünə yığaq, rəqibin təzyiqinə dayanan təkqapı futbol oynayaq. Yalnız qapı xəttinə çəkilməklə futbol oynanılmaz. Vaxtilə Portuqaliya, İngiltərə, İtaliya kimi nəhənglərə qarşı belə indiki kimi qorxaq futbol oynamamışıq. Müdafiə daim ağırlıq gücünü daşıya bilməz. Qol, qələbə arzusundayıqsa, yaradıcı, hücum futbolu sərgiləməliyik. Futbolçularımıza da bunu aşılamaq, inandırmaq lazımdı. Baxın, vaxtilə rahat məğlub etdiyimiz Latviya özünəinam sayəsində qələbələri sıralayaraq qrupda liderdi. Nə qədər ki, 5-li müdafiə ilə qol buraxmamaq barədə düşünəcəyik, nəsibimiz ancaq qorxaq futbol və nəticəsizlik olacaq. İnanıram ki, millimiz meydanda özünəinam, mübarizə, hücumda koloriti artırsa, hər iki oyunda qələbə qazanacaq".
ABDULLA İSMAYILOĞLU
Digər xəbərlər
