Rusiya klubu ilə müqaviləsini pozdu

Gözlənildiyi kimi, Sandro Şvarts “Dinamo”nu tərk edib.

Alman mütəxəssis Rusiya kubokunun finalında “Spartak”a məğlubiyyətdən (1:2) sonra Moskva klubu ilə müqaviləni qarşılıqlı razılaşma əsasında pozduğunu bildirib. Şvarts “Dinamo”nu 2020-ci ildən çalışdırırdı. Komanda premyer-liqanın son mövsümünü 3-cü yerdə başa vurub.

Son günlər Şvartsın növbəti mövsümdən “Herta”nı çalışdıracağı haqda xəbərlər yayılır. 43 yaşlı məşqçinin Berlin klubunda Feliks Maqata xələf olacağı qeyd edilir.