Azərbaycan Həndbol Federasiyasının hakim vəzifəsinə namizədlərin seçilməsi üçün təşkil etdiyi seminar işə başlayıb.

"Football-plus.az" xəbər verir ki, seminar beynəlxalq dərəcəli hakimlər İsgəndər Əsgərov, Ələkbər Ağakişiyev, Vaqif Əliyev və Ernest Ağakişi tərəfindən keçirilir. İştirakçılarına Beynəlxalq Həndbol Federasiyasının “Oyun Qaydaları”ndakı son dəyişikliklərlə bağlı məlumat verilib və onları maraqlandıran suallar cavablandırılıb. Bununla yanaşı, çimərlik həndbolu ilə tanışlıq, bu növün hazırkı vəziyyəti ilə bağlı fikir mübadiləsi aparılıb. ADBTİA-da keçirilən seminarda 30-a yaxın namizəd iştirak edib. Sonda iştirakçılar test imtahanına qatılacaq. Seminarı uğurla başa vuranlara sertifikatlar təqdim olunacaq. Qeyd olunub ki, yeni qaydalar daxili yarışlarda iyulun 22-dən tətbiq ediləcək.