2021/22 mövsümünə Azərbaycan kubokunun final matçı ilə yekun vurulacaq.

“Qarabağ” və “Zirə” arasında mayın 27-də baş tutacaq dueli Elçin Məsiyev idarə edəcək. Bu qarşılaşmada ölkə futbolu tarixində ilk dəfə VAR sisteminin tətbiq olunacağı ilə bağlı xəbərlər yayılıb.

Görəsən, yazılanlar həqiqəti əks etdirir? Bunu öyrənmək üçün AFFA-nın Mətbuat və İctimaiyyətlə Əlaqələr Departamentinin rəhbəri Firuz Abdulla ilə danışmağı lazım bildik.
Qurum rəsmisi “Football-plus.az” saytına açıqlamasında final görüşündə VAR-ın tətbiq olunmayacağını bildirdi.

SƏNƏM FƏRHADOVA