Fransa çempionatında “Mets”lə keçirilən oyun Neymar üçün əlamətdar olub.\

Braziliyalı hücumçu PSJ-nin 5:0 hesabı ilə qalib gəldiyi matçda 4-cü qolu vurub. O, 2017-ci ildən çıxış etdiyi komandada 100-cü dəfə qol sevinci yaşayıb. Neymar hazırda PSJ-nin ən yaxşı bombardirlərinin siyahısında Dominik Roşto ilə birlikdə 5-6-cı yerləri bölüşür. Siyahıda ilk dörd yeri tutanlar isə Edinson Kavani (200), Kilian Mbappe (171), Zlatan İbrahimoviç (156) və Pedru Pauletadı (109).
Qeyd edək ki, Neymar əvvəlki komandaları “Santos” və “Barselona”da da azı 100 qol vurub.