Əfqan Talıbov Tovuzda onu əvəz edəcək şəxsi seçməyib - AÇIQLAMA
Növbəti mövsumdən premyer-liqada çıxış edəcək “Turan Tovuz” baş məşqçisi ilə yolları ayırır. Bu posta dörd iddiaçının olduğunu da bilirsiz.
Bunlar Ayxan Abbasov, Ramin Quliyev, Yunis Hüseynov və Əsgər Abdullayevdi. Maraqlıdı, bölgə klubunun indiki çalışdırıcısı Əfqan Talıbov bu dörd namizəddən hansının komandada olmasını münasib sayır? Bunu öyrənmək üçün mayın 17-də komandası ilə son oyununu keçirəcək baş məşqçi ilə əlaqə saxladıq. Onun “Football-plus.az” saytına açıqlaması belə oldu:
“Mən Müşahidə Şurasının üzvüyəm. Komandanın, bu ailənin içindəyəm. Gələcəklə bağlı bütün problemlərdən məlumatlıyam. Amma 4 məşqçi həmkarım haqqında onu deyə bilərəm ki, rəhbərlik hansı keyfiyyətlərinə görə məşqçilərdən birinin üzərində dayanacaqsa, o da təhlil olunacaq. Müşahidə Şurasının iclasında səsvermə nəticəsində qərar veriləcək. Onların hər birinə hörmətlə yanaşıram. Hər biri premyer-liqada, millidə çalışmış məşqçilərdi. Premyer-liqanın yükü müəyyən dərəcədə o məşqçilərə tanışdı. Komandada kimin çalışmasını münasib saymağıma gəlincə, mən bu haqda heç nə deyə bilmərəm. Sadəcə, kim seçilsə, həm Müşahidə Şurasının üzvü, həm də komandanın keçmiş məşqçisi kimi ona dəstək olacam, təcrübəmi əsirgəməyəcəm. Həmişə də kömək etməyə hazıram”.
ŞAİR ABDULLA
Digər xəbərlər
