Nəhayət, Naçonun məsələsinə aydınlıq gəlib.

"Football-plus.az" xəbər verir ki, son aylar onun mövsümün sonunda “Real”dan ayrıla biləcəyi haqda yayılan xəbərlərə, demək olar ki, son qoyulub. Çünki rəhbərlik klubun yetirməsi olan futbolçu ilə müqaviləni yeniləmək üçün razılığa gəlib. “Marka” qəzetinin məlumatında tərəflərin müddəti 2024-cü ilədək nəzərdə tutulan yeni sözləşmə imzalamaq üçün anlaşdıqları bildirilib. Bu mövzuda tezliklə rəsmi açıqlamanın yayılacağı da qeyd edilib.

Naçonun mövcud müqaviləsinin müddəti 2023-cü ilə qədərdi. İtaliyanın bir sıra klublarının təklifini geri çevirən 32 yaşlı müdafiəçi bu mövsüm La Liqada meydana çıxdığı 25 oyunda 3 qol vurub.