"Xan Lənkəran"ın 1-ci diviziona buraxılmadığını bilirsiz.

Bundan sonra "Qobustan" 1-ci divizion üçün 3 il tələbinə görə öz varisliyini Lənkəran klubuna təklif etdi. "Xan Lənkəran" rəhbərliyi Prezident İlham Əliyevə, Gənclər və İdman Nazirliyinə, həmçinin AFFA və PFL-ə rəsmi məktub göndərərək, komandanın divizonda iştirakının təmin olunmasını xahiş edib. Məktubda klubun istər maliyyə, istər struktur, istərsə də peşəkarlıq baxımından hazır olduğu vurğulanıb. Görəsən, klub varislik alarsa 1-ci divizionda iştirak edə bilər?

“Football-plus.az” saytı olaraq adı çəkilən qurumlarla əlaqə saxladıq. Öncə Region Liqasının keçirilməsində əsas cavabdeh şəxslərdən olan AFFA-nın Uşaq və Gənclər üzrə Yarışların Təşkili Şöbəsinin müdiri Yusif Vəliyevi dinləyək:

PFL-in Mətbuat və İctimaiyyətlə Əlaqələr Departamentinin rəhbəri Aslan Şahgəldiyevin cavabı belə oldu:

"Komandaların Azərbaycan premyer-liqası və 1-ci divizionda çıxış etməsi üçün İcraiyyə Komitəsinin qərarı olmalıdı. Bu qurumun son iclasında 1-ci diviziona “İmişli”, “Mingəçevir” və “Araz Naxçıvan” buraxıldı. Varislik məsələsi ilə bağlı müvafiq qurumlarla əlaqə saxlaya bilərsiz".

Görəsən, məktub AFFA-ya çatıb? “Xan Lənkəran” varisliklə 1-ci divizonda iştirak edə bilər? AFFA-nın Mətbuat və İctimaiyyətlə Əlaqələr Şöbəsinin müdiri Firuz Abdulla bunları söylədi:

"Varisliklə bağlı müvafiq hüquqi prosedurlar mövcuddu. Hansısa klub digərinin varisi kimi çıxış etmək istəyirsə, ilk növbədə həmin klublar tərəfindən hüquqi işlər görülməlidi. Növbəti mövsüm birinci divizionda çıxış edəcək komandalarla bağlı İcraiyyə Komitəsinin qərarı var. Qeyd etdiyiniz mövzu ilə bağlı hələ ki AFFA-ya məktub daxil olmayıb".

Məlum açıqlamalardan sonra "Xan Lənkəran"ın prezidenti Pərviz Hüseynovla əlaqə saxladıq:

"Biz məktubları göndərmişik. Yalnız Ramin Musayevin xahişinə əsasən ona əlbəəl çatdırılıb. Varislik məsələsini Yusif Vəliyevlə telefon vasitəsilə danışdım. Ona "Keşlə"nin "Şamaxı", "Energetik"in "Mingəçevir" olmasını nümunə göstərərək, bizim də belə addım atmaq istəyimizin olduğunu dedim. O bunun qanun çərçivəsində baş tuta biləcəyini söylədi".

GÜNAY VƏLİYEVA