Azərbaycanlı futbolçu qışda müqavilə bağladığı klubdan ayrıldı - ÖZÜ AÇIQLADI
"Renova"da çıxış edən Nazim Məmmədzadə klubdan ayrılıb.
Yarımmüdafiəçi Şimali Makedoniya təmsilçisi ilə qışda müqavilə bağlamışdı. Erkən ayrılığın səbəbini öyrənmək üçün Nazimlə əlaqə saxladıq. Gənc oyunçunun “Football-plus.az” saytına açıqlaması belə oldu:
“Renova”dan ayrılmağımın ilk səbəbi sənəd məsələsi oldu. Çünkü mən bura gələndə 1 illik işçi vizası ilə təmin etməliydilər. Bu məsələ pasportumun vaxtının bitməsinə kimi həll edilməli idi. O da iyunda qurtarır. Problem çıxdığından düzəltmək mümkün olmadı. Gərək pasportumu dəyişib sonra bura gəlim. Üç aydı burdayam. Ona görə də gərək 3 ay ölkədə olmayım. Sonra qayıda bilərəm. Çempionat da təxminən 2 ay sonra başlayır. Bakıya qayıtsam, pasportumu dəyişsəm, çempionat başlayandan 1 ay sonra gələ biləcəkdim. Məşqlərə başlamağım gec olur. Klubla bu qərara gəldik ki, müqaviləni ləğv etmək daha yaxşı olar. İcarə məsələsini danışdıq. Amma bu indi bir az çətindi. Bütün komandalar icarəsiz istəyir. Ona görə də yolları ayırmaq qərarına gəldik”.
SƏNƏM FƏRHADOVA
