“Barselona” “Vulverhempton”dan icarəyə götürdüyü Adama Traore barədə qərarını verib.

"Football-plus.az" xəbər verir ki, Kataloniya klubu yetirməsini saxlamaq niyyətində deyil.

La Liqa təmsilçisi 26 yaşlı vingeri 30 milyon avroya transfer etmək maddəsini aktivləşdirməyəcək. Ön xətdə rəqabətdə uduzan Traore üçün rəhbərlik bu qədər böyük məbləğ xərcləməyi məqsədəuyğun hesab etmir.

Baş məşqçi Xavi Ernandes də İspaniya millisinin üzvünün hücumu gücləndirəcək səviyyədə olmadığını düşünür. Bu üzdən Traore mövsümün sonunda Premyer Liqa klubuna qayıdacaq.

Qeyd edək ki, Adama bu mövsüm La Liqada keçirdiyi 9 oyunda 2 məhsuldar ötürmə verib.