İcarə əsasında "Barselona"da çıxış edən Adama Traore karyerasını yenidən İngiltərədə davam etdirə bilər.

"Vulverhempton"a məxsus futbolçu ilə "Everton" yaxından maraqlanır. Bu məlumatı "Football Insider" yayıb.

Liverpul klubu Rişarlisonun əvəzinə 26 yaşlı ispaniyalı forvardı transfer etmək istəyir. Belə ki, "Everton" mövsümün sonunda braziliyalını satıb heyətini daha da gücləndirmək niyətindədi. Rişarlisonun əvəzləyəcək əsas namizəd olaraq Traore düşünülür.

Qeyd edək ki, hücumçu "Barselona"nın heyətində 8 matçda meydanda çıxıb. O, bu görüşlərdə 2 assist edib.